حمد باری تعالیٰ جل جلالہ

  1. سرورق
  2. ماہنامہ منہاج القرآن
  3. دسمبر 2007ء

ریاض حسین چودھری

شب غم میں برہنہ سر ہوں دستارِ گُر دینا اجالا ہر طرف کردوں وہ خورشیدِ ہنر دینا بہاروں میں نمو کی سبز کرنیں بانٹنے والے مرے دامن کو بھی مہکی ہوئی کلیوں سے بھردینا بھروسے پر ترے کشتی سمندر میں اتاری ہے تو ہر موج بلا کو ساحلِ امید کردینا مرے بچوں کی آنکھوں میں دھنک کی رم جھم رکھ کر تو ان کے جاگتے خوابوں کو تعبیرِ سحر دینا ترے محبوب (ص) کی مدحت سرائی میرا نصیب ہو غریبِ شہرِ دل ہوں الفتِ خیرالبشر (ص) دینا بہل جاؤں میں اک قطرے سے ناممکن مرے مولا مجھے ان کی محبت کے ہزاروں بحرو بَر دینا ریاض بے نوا کی ہر خطا سے درگزر کرکے تو اس کی آخرِ شب کی دعاؤں میں اثر دینا