میرے قائد

  1. سرورق
  2. ماہنامہ منہاج القرآن
  3. فروری 2018ء

نور احمد نور

میرے قائد تو نے گلشن کو وہ نکہت دی ہے
جس نے برفاب خیالات کو حدّت دی ہے

عشقِ سرکارِ مدینہ کی جلا کر شمع
اس پہ دیوانوں کو مر مٹنے کی دعوت دی ہے

کب سے آنکھیں تھیں سرابوں کے عذابوں میں گھِری
میرے قائد نے ملت کو حقیقت دی ہے

زندگی کربِ مسلسل میں مسلسل گذری
تو نے آکر اسے تسکین کی دولت دی ہے

تیری دانش نے کیا چشمِ جہاں کو خیرہ
تیرے افکار نے اسلام کو جدّت دی ہے

تیری للکار نے طاغوت کے بت توڑ دیئے
تیری تدبیر نے شیطاں کو ہزیمت دی ہے

تیرے سر پر ہے جو نعلینِ نبی کا سایہ
اب میں سمجھا کہ تجھے کس نے یہ جرأت دی ہے

شاملِ حال شہنشاہِ مدینہ کا کرم
ربِّ اکبر نے تجھے عزت و شہرت دی ہے

نور کیوں وجد میں آکر نہ قصیدے لکھے
ایسے قائد کی خدا نے جسے سنگت دی ہے