حمد باری تعالیٰ جل جلالہ

  1. سرورق
  2. ماہنامہ دختران اسلام
  3. نومبر 2007ء

ضیاء نیّر

چراغِ حسنِ عمل طاقِ زندگی میں جلے! اور ایک نغمہ ’’ھُو‘‘ ساز روح و جان پہ چھڑے! ازل، ابد کی پگڈنڈیوں پہ چلتے ہوئے تری تلاش میں کیا کیا ہیں قافلے نکلے ہے ربِّ حیّی و قیوم تو ہی خالقِ کُل ترے ہی اذن سے روشن حیات کے ہیں دیے جو پنج وقتہ اذانوں میں گونجتا ہے مدام وہ ذکرِ سرمدی آفاق میں سنائی دے بدیعِ ارض و سماوات تیری ذات قدیم مدارِ خاکداں تیرے اک حرفِ کُن پہ ہے بھرا ہوا ہے عطاؤں سے میرا کاسۂ جاں ارے گدا تیرے حُسنِ سوال کے صدقے بتائے جو ترے محبوب (ص) نے خدائے عظیم! وہی ہیں بالیقیں فوزو فلاح کے رستے ہے حرزِ جان مرے ذکرِ خدا و ذکرِ رسول (ص) یہ سلسلے تو سدا میرے ساتھ ساتھ چلے ترے ہی در کا بھکاری ہے بے نوا نیّر زراہِ لطف اسے بھی کرم کی بھیک ملے!