عزمِ-طاہر-اجڑنے-نہ-دے-گا-چمن-فروری-2017-ماہنامہ-منہاج-القرآن

اس سے پہلے کہ ہم ہاتھ ملنے لگیں
اس سے پہلے کہ منظر بدلنے لگیں
اس سے پہلے کہ کھوٹے یہ سکِّے یہاں
پھر سیاست کی منڈی میں چلنے لگیں

آج بھی وقت ہے، ہوش سے کام لو
پھر جلاؤ دیئے، حق کا پیغام لو
دائیں بائیں بھٹکتے ہوئے رہرو
بڑھ کے دامن اِس آواز کا تھام لو

طاہرالقادری، اک صدائے سحر
طاہرالقادری، چھاؤں دیتا شجر
بے بصر کی بصر، منزلوں کی خبر
رہبر دیدہ ور، اک حسیں چارہ گر

بے بدل اک گہر، اک دعا کا ثمر
التجا کا اثر، وقت کا ہمسفر
واقفِ رہگزر، نورِ قلب و نظر
حوصلہ تو کرو، فیصلہ تو کرو

اک طرف علم و حکمت کا انبار ہے
ایک جانب جہالت کی یلغار ہے
اک طرف دستِ قدرت کا شہکار ہے
ایک جانب نحوست ہے، پھٹکار ہے

اک طرف فکرِ نو، عزم بیدار ہے
اک طرف دستِ قاتل میں تلوار ہے
اک طرف روشنی، اک طرف تیرگی
اک طرف زندگی، اک طرف خودکشی
اک طرف مخلصی، اک طرف مفلسی
اک طرف آگہی، اک طرف بے حسی

ہے وفا اک طرف، ہے جفا اک طرف
ہے بقا اک طرف، ہے فنا اک طرف
نور جذبوں میں ڈھالے ہوئے اِک طرف
ظلمتوں کے اُچھالے ہوئے اک طرف

حوصلہ حوصلہ میری ارضِ وطن
عزمِ طاہر اجڑنے نہ دے گا چمن
زلزلہ بن کے باطل پہ طاری ہے یہ
ہے رواں کارواں، جنگ جاری ہے یہ