بحمداللہ تعالیٰ اس سال بھی شیخ الاسلام ڈاکٹر محمد طاہر القادری مدظلہ العالی کی سرپرستی میں اور محترم ڈاکٹر حسن محی الدین القادری و محترم ڈاکٹر حسین محی الدین القادری کی معیت میں جامع المنہاج بغداد ٹاؤن، ٹاؤن شپ لاہور میں 31 واں سالانہ شہراعتکاف آباد ہورہا ہے۔ جسے حرمین شریفین کے بعد دنیا کے سب سے بڑے اعتکاف ہونے کا اعزاز حاصل ہے۔ شہر اعتکاف تحریک منہاج القرآن کی پہچان ہے۔ وہ ہزارہا خوش نصیب معتکفین اور معتکفات جو امسال اس سعادت سے فیض یاب ہوں گے ان کیلئے مرکز کی جانب سے خصوصی ہدایات دی جارہی ہیں۔ جملہ معتکفین اور معتکفات پر اِن ہدایات کی پابندی لازمی ہوگی۔ نیز تنظیمات جن معتکفین اور معتکفات کو لے کر آئیں گی اُن سے ان ہدایات پر عمل درآمد کروانا لازم ہو گا۔ جملہ تنظیمات، رفقاء و کارکنان اعتکاف کو کامیاب بنانے کے لئے اپنا بھرپور کردار ادا کریں۔
1۔اعتکاف گاہ میں آنے سے پہلے کرنے والے کام
1۔ اعتکاف کی سعادت حاصل کرنے کے خواہشمند خواتین و حضرات پریشانی سے بچنے کے لئے بروقت ایڈوانس بکنگ کروالیں۔ بکنگ پہلے آیئے پہلے پایئے کی بنیا دپر ہوگی۔ اعتکاف گاہ میں گنجائش کے مطابق بکنگ کی جائے گی اور جگہ کی تنگی کے باعث تنظیمات کو کوٹہ الاٹ کیاجائے گا۔ معتکفات کی مطلوبہ تعداد مکمل ہونے پر بکنگ بند کردی جائے گی۔ اعتکاف کی بکنگ کیلئے مقامی تنظیم سے رابطہ کریں۔
2۔ رجسٹریشن کی آخری تاریخ سے قبل رجسٹریشن کو یقینی بنائیں۔
3۔ ضروری سامان ہمراہ لے کر آئیں۔
4۔ حاملہ خواتین اور 3 سال سے کم عمر بچوں کو اعتکاف گاہ میں آنے کی اجازت نہیں ہوگی۔
5۔ کتب اور خطابات کے میموری کارڈز کی خریداری کیلئے رقم ساتھ لائیں اور خود اس کی حفاظت کا اہتمام کریں۔
6۔ اگر کوئی بیماری ہے تو ڈاکٹر کی رپورٹ اور مکمل ریکارڈ ساتھ رکھیں۔
7۔ ذمہ داریاں سرانجام دینے کی صلاحیت کی حامل خواتین کو تیارکرکے لائیں۔
8۔ مقامی تنظیم کے ذریعے قبل از وقت مرکز کو اطلاع کریں تاکہ انتظامات بہتر ہو سکیں۔
9۔ سیکیورٹی کے پیش نظر اصل قومی شناختی کارڈ ہمراہ لائیں، فوٹو کاپی قابل قبول نہیں ہوگی۔
10۔ جملہ معتکفات اپنے کوپن کے ساتھ اپنی پاسپورٹ سائز تصویر attatchکریں گے جسے وہ اپنے سینے پر آویزاں کریں گے۔ اس کی پابندی کرنا ہر ایک پر لازم ہوگا۔
2۔ اعتکاف گاہ میں آتے وقت
1۔ بروقت آمد (ہجوم اور پریشانی سے بچنے کیلئے 20رمضان المبارک کی صبح ہی تشریف لے آئیں)
2۔ سکیورٹی اور انتظامیہ سے بھرپور تعاون کریں۔
3۔ ہر شخص اپنی اور اپنے سامان کی خود چیکنگ کروائے۔
4۔ اعتکاف گاہ میں داخلہ ٹوکن کے بغیر نہ ہوگا۔ لہٰذا ایڈوانس بکنگ والے احباب اپنا ٹوکن ہمراہ لائیں۔
5۔ موبائل فون اور قیمتی اشیاء کی حفاظت کا خصوصی اہتمام کریں۔نیز رجسٹریشن کارڈ، ID کارڈ اور دیگر قیمتی اشیاء کے لیے ایک چھوٹا بیگ جیسا عمرہ وحج کے دوران زائرین استعمال کرتے ہیں، ہمراہ لائیں۔
6۔ موبائل لانے سے اجتناب کریں، ضروری رابطہ کے لئے PCOکی سہولت دستیاب ہوگی۔
7۔ شہر اعتکاف میں موبائل فون کے استعمال سے معتکفات ڈسٹرب ہوتی ہیں جس سے یکسوئی متاثر ہوتی ہے نیز موبائل فون گم ہونے کی صورت میں انتظامیہ ذمہ دار نہیں ہوگی، آپ خود خیال رکھیں۔
نوٹ: انتظامیہ سے ہر ممکن تعاون فرمائیں تاکہ انتظامیہ آپ کو بہتر سے بہتر سہولیات فراہم کرسکے۔
3۔ دورانِ اعتکاف:
1۔ معتکفین اور معتکفات پر انتظامیہ کے ساتھ ہر قسم کا تعاون لازم ہو گا۔
2۔ فیس ماسک لگانا ضروری ہوگا۔ 3۔ کسی قسم کی شکایت کی صورت میں اپنے ہال انچارج سے رابطہ کریں۔ ہر بلاک میں انتظامیہ کا ڈیسک موجود ہوگا تاکہ آپ کا مسئلہ فوری طور پر حل ہوسکے۔
4۔ ڈسپلن کے لیے ضروری ہے کہ ہر معتکفہ کے پاس جس ہال کا کارڈ ہے، وہ وہیں رہ سکتی ہے۔ دوسرے ہال میں جانے کی اجازت نہیں ہوگی۔ آسانی کے لیے ہر ہال کے کارڈ کا نام اور رنگ دوسرے ہال سے مختلف ہے۔
5۔ آرام کے وقت آرام ضرور کریں تاکہ اگلے دن Fresh ہو کر معمولات سرانجام دے سکیں۔
6۔ دیگر معتکفین اور معتکفات بالخصوص بزرگوں کا خیال رکھیں اور اعتکاف گاہ میں موجود سہولیات کےلئے بزرگوں کو ترجیح دیں۔
7۔ مشکلات زندگی کا حصہ ہیں اور قربِ الہٰی بغیر مشکلات اور صبر کے ممکن نہیں، اس لیے دس روز پیش آنے والی مشکلات کو صبر وتحمل سے برداشت کریں کیونکہ روزے سے برداشت اور صبر کا سبق ملتا ہے۔
8۔ کسی مسئلہ کے حل نہ ہونے پر پریشانی کی صورت میں شور شرابہ اور ماحول خراب کرنے کے بجائے انتظامیہ سے رابطہ کریں۔
9۔ شیڈول کے مطابق نظام پر بہر صورت عمل کریں۔
10۔ قرآن و حدیث کی روشنی بکھیرتا ہوا قائد محترم کا خطاب ہی حاصلِ اعتکاف ہے اس کو کسی قیمت پر Missنہ کریں۔
11۔ اعتکاف ایک ایسی سنت ہے جس میں اس کی روح کو مدنظر رکھنا لازمی امر ہے۔ لہذا اعتکاف میں تفریح کیلئے نہ آئیں بلکہ اللہ اور اس کے رسولﷺ کی رضا کے حصول اور گناہوں سے توبہ کیلئے اعتکاف کریں اور اسکے جملہ تقاضے پورے کریں۔
12۔ ایک دوسرے سے حسنِ سلوک سے پیش آئیں نیز عملی طور پر باہمی مدد، خدمت و قربانی کے جذبے کے ساتھ اعتکاف میں آئیں۔ 13۔ اپنے سامان کی خود حفاظت کریں۔
14۔ جن احباب کے ساتھ خواتین بھی آئیں وہ احباب، خواتین اعتکاف گاہ میں ملنے کیلئے جانے یا فون کرنے سے اجتناب کریں۔
15۔ صفائی کا خاص خیال رکھیں۔ کوڑا کرکٹ؛ وضو خانہ اور باتھ روم کی جگہ نہ پھینکیں بلکہ کوڑے والے ڈرم میں پھینکیں۔
16۔ سیکیورٹی کے پیش نظر اپنے اردگرد کے ماحول اور افراد پر کڑی نظر رکھیں۔ کسی بھی مشکوک فرد یا لاوارث سامان/ شاپنگ بیگ، تھیلا وغیرہ دیکھنے کی صورت میں فوری انتظامیہ کو اطلاع کریں۔
17۔ انتظامیہ کی طرف سے جاری فیڈ بیک پروفارمہ اور کوائف فارم ضرور پر کریں۔
18۔ دوسروں کےلئے آسانیاں پیدا کریں ۔ ایسا کوئی کام نہ کریں جس سے گردو نواح کی معتکفات کو کسی قسم کی تکلیف پہنچے۔
19۔ آپ اپنی زکوٰۃ و عطیات اور فطرانہ منہاج ویلفیئر فاؤنڈیشن کے کیمپ پر جمع کرواسکتے ہیں۔
20۔ معتکفات اپنے بلاک کے حلقے میں رہیں، صرف نماز کی ادائیگی و خطاب سننے کےلئے پنڈال میں تشریف لائیں۔
4۔ واپسی:
1۔واپسی کیلئے ٹرانسپورٹ کا بندوبست بروقت کریں اور منتظمین کو اپنی ڈیمانڈ 26 رمضان المبارک تک فراہم کردیں۔
2۔ اپنا مکمل سامان ساتھ لے کر جائیں (شیخ الاسلام کی کتب اور خطابات زیادہ سے زیادہ اپنے ہمراہ لے کر جائیں)۔
3۔ اپنی آسانی کے لئے دوسروں کیلئے مشکلات پیدا نہ کریں۔
4۔ اپنے حلقے کی صفائی ضرور کرکے جائیں کیوں کہ عید کے فوراً بعد کالج کی طالبات نے تعلیم کیلئے یہاں آنا ہے۔
خرم نواز گنڈا پور (ناظم اعلیٰ و سربراہ شہر اعتکاف) 03015140075
محمد جوّاد حامد (نائب ناظم اعلیٰ ایڈمنسٹریشن و اجتماعات و سیکرٹری شہرِ اعتکاف)
(03153653651، 04235163843)
سدرہ کرامت علی (سربراہ ویمن اعتکاف)
(03007898299، 03347529223، 03174383705)